Наурыз мейрамын тойлаудың «Наурызнама» жаңа тұжырысдамасына сәйкес Шығыс Қазақстан облысы білім басқармасы Өскемен қаласы бойынша білім бөлімінің «№62 арнайы балабақшасы» КММ-де 2024 жылдың 14 наурызынан 20 наурыз аралығында жаңару мен жаңа құндылықтарды қалыптастыру, бірлік, бауырмалдық, ынтымақ мерекесі ретінде «Наурыз келді – жайдары!» атты мерекелік іс шаралар өткізілді.
Бұл іс шаралардың негізгі мақсаты тәрбиеленшілерді ұлттық салт-дәстүр мен әдет-ғұрыпқа баулу. Салт-дәстүрлерімізді ата бабаларымыздың біздерге қалдырған мұрасы ретінде білу, тану, түсін, құрметтеу.
Наурыз- көктем мерекесі, күн мен түннің теңелуі, табиғаттың жаңаруы. Наурыз-жыл басы. Шығыс халықтары үшін Наурыз бірлік, бейбітшілік, еңбек, көктем, қайырымдылық пен бақыт мерекесі болып саналады.
Мерекелік іс шараларда қазақ халқының дәстүріне сай тәрбиеленушілер ән айтып, би билеп, тақпақ оқыды. «Шаш өру», «Бесікке салу», «Тұсау кесу» дәстүрлері көрсетілді. Ұлттық спорттық ойындар «Теңге алу», «Арқан тарту», «Гүл теру» ойындары ойнатылды. Мерекелік шаралар кезінде түрлі ұлттық тағамдар дайындалып қазақтың ақ дастархан жайылды. Мерекелік іс шарада Қыдыр ата да келіп батасын берді. Ата-аналар мен балабақша қызметкерлері мерекелік іс шараның қонақтары болды.
Бейбітшілік пен бірлік, жаңару мен үйлесімділік, мейірім мен шуақ бейнесіне айналған Наурыз мерекесі сәтті де, тамаша аталып өтті.