16-20 қантар аралығында «Сөйлеу қабілеті бұзылған балаларға арналған №62 балабақшасы» КММ-де «Балалардың жолдағы қауіпсіздігі» онкүндігі өткізілді. Ойын түрінде мектеп жасына дейінгі балалар жол ережелері туралы білімдерін бекітті, жол белгілері туралы жұмбақтар шешті, дидактикалық және рөлдік ойындар ойнады, оқу презентациялары мен бейнероликтерді көрді.
Топтарда балалардың жас ерекшеліктеріне сәйкес жол қозғалысы ережелерін зерделеу бойынша бұрыштар жаңартылып, толықтырылды.
Тәрбиешілер әр балаға жол қозғалысының әрбір қатысушысы, ересек адам да, бала да белгіленген ережелерді орындауға міндетті екендігі туралы түсінік беруге тырысты, сонымен қатар балаларда көшелер мен жолдарда қауіпсіз жүріс-тұрыс дағдыларын қалыптастырды.